Tibetan and Himalayan Library - THL

ང་ནི་ཝིར་ཇི་ནི་ཡཱ་སློབ་གྲྭ་ཆེན་མོའི་བོད་ཀྱི་མཉམ་ཞུགས་རིག་གནས་ལས་གཞིའི་ཟི་ལིང་གཞུང་ལས་ཁང་གི་མཐུན་སྦྱོར་པ་ཡིན་ལ། མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་བོད་ཀྱི་གནའ་རབས་རྩོམ་རིག་ཞིབ་འཇུག་འཛིན་གྲྭ་ནས་སློབ་སྦྱོང་བྱས་ཤིང་། མཛུབ་སྟོན་དགེ་རྒན་རྒྱ་ཡེ་བཀྲ་བྷོ་ལགས་ཀྱི་བཀའ་སློབ་ལྟར་རྒྱ་གར་གྱི་པཎྟི་ཏ་རཱ་ཧུ་ལའི་ལོ་རྒྱུས་ལ་ཞིབ་འཇུག་བྱེད་བཞིན་ཡོད་པ་དང་། བོད་ཀྱི་ས་མིང་རིག་གནས་ལ་སྲུང་སྐྱོབ་དང་ཉམས་པ་སོར་ཆུད། བོད་ས་གནས་མི་དམངས་ཀྱི་ཤེས་རིག་གི་ཆུ་ཚད་མཐོར་འདེགས་སུ་གཏོང་ཆེད་འདིར་གཙོ་ཆེར་ས་མིང་དང་ས་གནས་དཔེ་མཛོད་ཁང་གི་ལས་གཞིའི་བྱ་བ་སྒྲུབ་ཀྱིན་ཡོད།

Current Focus

ཉེ་ལམ་ཝིར་ཇི་ནི་ཡཱ་སློབ་གྲྭ་ཆེན་མོའི་བོད་ཀྱི་མཉམ་ཞུགས་རིག་གནས་ལས་གཞིའི་བྱ་བའི་འཆར་གཞི་ལྟར་ཟི་ལིང་སློབ་གྲྭ་ཆེན་མོ་ཁག་གི་སློབ་ཆེན་སློབ་མ་རྣམས་དང་ལྷན་དུ་མཚོ་སྔོན་གྱི་ས་མིང་རིག་གནས་ལས་གཞི་སྒྲུབ་བཞིན་ཡོད་པ་དང་། གཞན་མཚོ་སྔོན་གྱི་ས་གནས་སོ་སོར་དཔེ་མཛོད་ཁང་ངམ་རིག་གནས་ཞབས་ཞུའི་ལྟེ་གནས་འཛུགས་རྒྱུའི་བྱ་བར་འབད་བཞིན་ཡོད།

Future Goals

རང་རེའི་སྔ་རབས་ཕ་མེས་རྣམས་ཀྱི་བློ་གྲོས་ཀྱི་ཉིང་བཅུད་ལས་ཐོན་པའི་སྲོལ་རྒྱུན་རིག་གནས་དེ། དེང་རབས་ཀྱི་སྔོན་ཐོན་ལག་རྩལ་ལ་བརྟེན་ནས་སྲུང་སྐྱོབ་དང་། མ་ཉམས་གོང་སྤེལ། ཉམས་པ་སླར་གསོ། འདི་ཉིད་ལ་སྔར་ལས་ལྷག་པའི་འཐུས་ཚང་དུ་བཏང་ནས་འཛམ་གླིང་རིག་གནས་ཀྱི་ཁྱིམ་རའི་ནང་སྔ་ན་མེད་པའི་གཟི་འོད་འབར་དུ་འཇུག་རྒྱུ་ནི་རང་ཉིད་ཀྱི་ཕུགས་བསམ་དང་བསམ་པའི་དམིགས་བྱ་ཉིད་དུ་བསྒོམས་ཡོད།

History

ང་མཚོ་སྔོན་རེབ་གོང་གི་མི་ཡིན་ལ། སྤྱི་ལོ༢༠༠༣ནས་༢༠༠༧ལོའི་བར་མཚོ་སྔོན་དགེ་ཐོན་སློབ་ཆེན་མི་རིགས་དགེ་ཐོན་སློབ་གླིང་གི་བོད་དབྱིན་འཛིན་གྲྭ་ནས་བོད་ཡིག་དང་དབྱིན་ཇིའི་སྐད་ཡིག་ལ་སློབ་སྦྱོང་བྱས་ཤིང་། སློབ་སྦྱོང་གི་ཞོར་དུ་བོད་དབྱིན་འཛིན་གྲྭའི་གྲ་སྒྲིག་འཛིན་གྲྭ་གཉིས་ལ་བོད་ཀྱི་ལོ་རྒྱུས་སློབ་ཁྲིད་བྱས་པ་དང་། སློབ་མཐར་ཕྱིན་རྗེས་ཁམས་ཕྱོགས་སུ་སོང་ནས་དབྱིན་ཇིའི་སྐད་ཡིག་སློབ་ཁྲིད་བྱས་ལ། ཞོར་དུ་ཁམས་དཀར་མཛེས་བོད་རིགས་རང་སྐྱོང་ཁུལ་གྱི་རྫོང་འགའ་ལ་རི་གྲོང་རྟོག་དཔྱོད་དུ་སོང་ནས་ཁམས་ཁུལ་གྱི་ས་གནས་ལོ་རྒྱུས་དང་ཡུལ་སྲོལ་གོམས་གཤིས་ལའང་རང་ནུས་ཀྱིས་རྒྱུས་ལོན་ཅུང་ཙམ་བྱས། སྤྱི་ལོ༢༠༠༩ལོ་ནས་ཡང་བསྐྱར་མཚོ་སྔོན་དགེ་ཐོན་སློབ་ཆེན་གྱི་བོད་ཀྱི་གནའ་རབས་རྩོམ་རིག་ཞིབ་འཇུག་འཛིན་གྲྭར་སློབ་སྦྱོང་བྱེད་མགོ་བརྩམས།

Interests

རྒྱ་གར་འཕགས་པའི་ཡུལ་གྱི་རིག་གནས་དང་བོད་གངས་ཅན་གྱི་རིག་གནས་གཉིས་ནི་ཆུ་བོ་གཅིག་གི་མགོ་སྔ་ལྟར་འབྲེལ་ཆེ་ཞིང་། རྒྱ་གར་རིག་གནས་ཀྱི་ཆུ་རྒྱུན་རིང་མོ་བོད་དུ་འདྲེན་པའི་བརྒྱུད་རིམ་ཁྲོད་རྒྱ་བོད་ལོ་པཎ་ཇི་སྙེད་ཀྱིས་གཅེས་པའི་སྲོག་དང་དཀའ་བའི་སྡུག་ལ་མ་འཛེམ་པར་རང་སོ་སོའི་ནུས་རྒུ་རྩལ་དུ་བཏོན་ཡོད་ལ། རྒྱ་བོད་རིག་གནས་ཀྱི་རྒྱུ་འགྲུལ་ཁྲོད་བསུབ་ཏུ་མེད་པའི་མཛད་རྗེས་མང་པོ་ཞིག་བཞག་ཡོད། རིག་གནས་ཀྱི་རྗེས་ཤུལ་དེ་ཉིད་ལ་སློབ་སྦྱོང་དང་ཞིབ་འཇུག  སྲུང་སྐྱོབ། མ་ཉམས་གོང་སྤེལ་དུ་གཏོང་རྒྱུ་ནི་རང་ཉིད་ཀྱི་འགན་འཁྲི་རུ་བསམ་ཡོད་ལ། དགའ་ཕྱོགས་ཀྱང་ལས་འདི་ཉིད་ལ་ཞིབ་ཏུ་འཇུག་རྒྱུ་དེ་ཡིན།

Scholarly Disciplines

ཉེ་རབས་ཀྱི་མདོ་སྨད་ལོ་རྒྱུས (1), དམངས་ཁྲོད་རྩོམ་རིག (1), བོད་ཀྱི་གནའ་རབས་རྩོམ་རིག (1)

General Interests

THL Cultural Geography Initiative (28)

Places of Interest

་དབུས་གཙང་རུ་བཞི (1), མངའ་རིས་སྐོར་གསུམ (1), མདོ་ཁམས་སྒང་དྲུག (1)

Mailing Address

Xining

Qinghai Province

810008

Direct Contact